（獨媒報導）保安局局長鄧炳強訪問無綫電視總經理曾志偉，二人在訪問中互笠高帽，曾志偉大讚對方在見記者時的事前準備充足：「你每一次出嚟講嘢，哎，呢個一定係局長花咗好多時間同好多人討論過，然後講返出嚟俾大家聽。因為大家好明白。」曾志偉又表示，冀望政府可以「摻埋無綫玩」，透過電視說好香港故事：「將香港嘅好同精神，未來嘅香港棟樑出一分力，一定要摻埋我玩。」
鄧炳強在社交媒體Facebook 專頁發布影片，其節目「小角色，大人物」訪問曾志偉。在開場中，鄧炳強以「獎門人」稱呼曾志偉，曾志偉則稱：「不嬲都係我訪問人，諗唔到今日竟然我兩個可以坐喺度傾偈，太好啦。」鄧炳強則回應表示：「世界好多嘢估唔到呀吓。」
本身是中華海外聯誼會港區理事的曾志偉，為選委會第五界別選委。在2020年2月，時任警務處處長鄧炳強與香港明星足球隊成員飯聚，感謝一眾演藝界支持，曾志偉亦有出席，鄧炳強更稱「我喺區議會講得叻係因為曾志偉」。
在最新的影片中，鄧炳強指曾志偉出名「橋王」，問除了「天生叻」外，後天如何培養創意，曾志偉就稱後天十分重要，每逢見到新同事都會提議三大要素，「努力、努力、努力」，認為可以將勤補拙，以後天的勤力，彌補先天不足。
曾志偉自嘲身材細小 稱政府措施獲認同不用宣傳
身高只有153厘米的曾志偉就自嘲：「你知我呢啲其貌不揚，又細粒，喺啲群眾裡面人哋都望唔到你。通常你要突出自己，你要多啲嘢講，有啲風趣呀幽默呀咁樣，人哋先至會注意你㗎。」
曾志偉續分享指，除了風趣幽默，「但你講嘅話題又要貼社會喎，初初你可以講好好笑，跟住你last又要捧番下人地，咁人哋就會覺得你好大體，講嘢OK呀。」他表示，人與人之間需要互相尊重，並與朋友分享快樂，鄧炳強就謙稱：「今日學到好多嘢呀吓，就係話多觀察、多留意、多實踐。」
現屆政府加強網上宣傳及發布資訊，各司局長均開設社交媒體帳戶。鄧炳強就問曾志偉，政府的宣傳工作可以如何更有效。曾志偉表示：「如果你講嗰樣嘢出嚟，係大家都覺得認同嘅，其實都唔洗點宣傳，市民都同你宣傳。宜家咁坐喺度傾偈，我已經覺得係最好。」
前年幕前轉任高層 曾志偉稱希望帶更多歡樂予觀眾
現年69歲的曾志偉，在2021年9月升任為無綫電視的節目內容營運總經理，鄧炳強亦問曾志偉，為何突然由幕前轉任行政人員。
曾志偉稱，希望能帶更多歡樂予觀眾：「突然間要返番一個寫字樓工，對我嚟講其實唔好唔習慣⋯⋯返嚟TVB最重要一樣嘢，其實喺宜家呢兩、三年，香港咁艱難有疫情，我哋就希望能帶更多歡樂俾觀眾。」他稱只要用心，觀眾便會感受到，「做到知得瞓都係值得嘅，因為你嘅嘢係有人認同你」，鄧炳強附和稱「有遠景，有抱負」。
曾志偉：無綫可令更多年輕人認識、了解香港
在早前的訪問中，鄧炳強均會問嘉賓「如果有一樣嘢能夠為你嘅，會係咩」，今次亦不例外，曾志偉就希望當局可以藉無綫「說好香港故事」：「希望有機會都能夠摻埋我哋玩，你有啲咩嘢msg呢，想大家都知道，將條線插入我哋度，咁我哋就好似個大喇叭咁，周圍話俾人聽。」
曾志偉指出，無綫可以協助令更多年輕人，認識、了解香港，「將香港嘅好同精神，未來嘅香港棟樑出一分力，一定要摻埋我玩。」
鄧炳強最後邊笑邊回覆，稱該建議較像是無綫為政府做，又做起手勢來，稱如果每名香港人都像曾志偉般正面、樂觀，「咁香港就真係Super啦。」
