男藝人爆靠「安心」成功捉姦 「姦夫係好出名嘅男歌手」

由J2ers 黃紫恩（Jojo）、吳兆麟（Alan）、胡敏芝（Karen）主持的J2節目《不正常愛情研究所》後晚播出一集將以「捉姦攻略」為題目，客席嘉賓文頌男（Koba）爆料一位知名歌手做「姦夫」，令節目未街已經引來討論。

Koba自爆有位男性朋友發覺女友經常聲稱去酒吧消遣，因為感覺奇怪而偷偷檢查女友手機的「安心出行」App，發現有出入酒店的記錄，事後親眼「捉姦」見到女友撓住一名男士出來。不過Koba就話朋友好自豪：「因為個姦夫係好出名嘅男歌手。」眾主持聽到都起哄，更要求Koba提供貼士，Jojo同Karen仲秒速估到，講出男歌手的特點，令網民都想知道歌手身分。

另外，Jojo亦分享自身經歷，先爆自己憑直覺及蛛絲馬跡而發現前度出軌，又分享自己有個男性朋友被女朋友「笠咗30頂綠帽」都不願意分手，更明知對方出軌都跪在地上求對方不要離開自己，故事令人心酸。