內地男星陳坤嘅感情生活向來撲朔迷離，現年47歲嘅佢雖然一直都未婚，不過就育有一名21歲仔「優優」，生母身份更係一個謎，加上佢一直同內地女星周迅私下感情交好，引嚟唔少網友揣測2人實際關係。而日前出席倫敦時裝周嘅佢，更激罕帶埋個仔出席，難得嘅父子同框畫面，引嚟唔少粉絲關注。
現年47歲嘅陳坤，雖然即將年過半百，不過回春有術嘅佢，仍然帥氣十足，梳起油頭、着上綠色格紋西裝出席活動嘅佢，渾身更係散出熟男魅力，認真冧暈唔少粉絲外，最搶Fo嘅莫過於同行嘅仔仔「優優」，身高外表唔輸老竇之餘，簡單嘅黑框眼鏡、藍色衞衣襯長褲打扮，都同樣星味濃，唔講仲以為係兄弟同框呀！
東網網站 : https://on.cc/東網Facebook專頁 : https://www.facebook.com/onccnews/
留言 0