組合P1X3L成員Phoebus（吳啟洋）的處男作《漸漸地》，MV推出後登上熱門影片第4位，為答謝粉絲的支持，Phoebus與粉絲在炎炎夏日遊巴士河，在30度高溫下大伙兒乘坐開篷巴士，他說：「好興奮可以同粉絲見面，都係我人生第一次坐觀光巴士，原本個頭set得好好睇 ，諗住以最好嘅形象見佢哋，點知一開車，個頭已經亂晒，仲要畀fans影咗好多黑圖。」
開篷巴士掛滿他新歌横額，由尖沙咀出發駛到九龍灣，車程中他一直拿起咪高峰與粉絲傾偈，又與他們合照，最興奮時刻，當然他與粉絲是重演MV中「挨膊頭」一幕，隔着口罩都感受到粉絲們的熱情，Phoebus説：「嗰日天氣好好，加上我哋係由黃昏搭到夜晚，路程中要經過唔同隧道，感覺好似玩緊過山車咁，多謝公司畀咗一個咁好嘅回憶畀我。」
東網網站 : https://on.cc/東網Facebook專頁 : https://www.facebook.com/onccnews/
