孫慧雪(Snow)之前在社交平台稱新請的工人姐姐放假飲醉兼深夜才歸家，而且每晚要有me time做瑜伽好識嘆。最後寧蝕中介費亦要辭退對方。不過世界真細小，相隔一段時間，孫慧雪竟然「重遇」姐姐，因為有老公的朋友竟然遇到該姐姐見工，而姐姐更稱前僱主，即孫慧雪因「成日亂咁解僱工人」，「所以佢已經被人blacklist」。
阿雪早前在社交平台留言：「老公話請大家繼續食花生🥜真係好癲，今日極品姐姐去見工，咁啱見中老公嘅朋友，世界真細小，呢位朋友開頭問佢，點解你兩星期就俾人解僱左，佢謊稱話，我都唔知點解呀，Agent話我知呢個太太成日亂咁解僱工人，所以佢已經被人blacklist，搞到要用老公名請姐姐！跟住佢拎咗封解僱信出嚟，話你睇下，信上面冇寫原因㗎！然後佢繼續話自己好內向，放假唔出街，今次仲話自己同老公好恩愛！呢位朋友都超醒，佢見到封信上有我老公個名，即刻WhatsApp 問點解唔用呢位姐姐！最後朋友同佢講，但你香港有男朋友喎！又唔返屋企，你走啦！跟住佢好尷尬咁走咗！提提大家，佢話喺apps度約見㗎！P.S. 呢位朋友仔老公係外國人，姐姐果然係想打外國人工！」