黎芷珊現身首談《戰場上》被腰斬　對事件感失落：睇晒就知個節目好平衡

黎芷珊早前主持的無綫綜藝節目《戰場上》，走訪當今戰火最激烈的烏克蘭及以色列，但播出兩集後內容被指偏頗引起爭議，最後遭腰斬停播，黎芷珊成為戰靶，更臨時缺席台慶及公開活動。今晚（7日）黎芷珊現身為《歡樂滿東華》擔任司儀，首度開腔表示節目被腰斬一事，直言感到失落及可惜，但尊重公司決定，不想話題繼續發酵。

黎芷珊今晚為《歡樂滿東華》擔任司儀，表現如常未受影響，她接受傳媒訪問時表示，對於《戰場上》被腰斬，她表示很用心拍攝節目，希望觀眾喜歡，卻想不到跟觀眾有如此大的落差，坦言覺得失望：「我會尊重公司，當時係台慶期間，如果話題再發酵唔係咁好，呢個唔係我嘅預期。」

黎芷珊透露，無綫總經理曾志偉曾與她溝通，對於節目會否重見天日，亦要等公司安排，又指大家未看完整個節目，直言：「當然想重見天日，但我一己之力冇用，其實大家未睇完個節目，你睇晒就會知道個節目係好平衡。」。她表示不會因今次事件被嚇怕不再拍同類節目，但指自己不是新聞部，或者欠缺敏感度，由新聞部製作或會更好。「可能我唔係呢個範疇，我係做開娛樂，希望下次再做好啲、敏感啲。」

被問到曾志偉有否表示如何補償，黎芷珊笑言沒有。「冇補償，但我之後會開拍《芷珊約你》第二輯，幾時拍就要睇我幾時約到嘉賓喇！」她又提到，自己早前缺席台慶的原因，正是自己當日要代表公司到印尼參加頒獎禮：「《芷珊約你》喺當地有提名，雖然攞唔到獎，但冇失望，志在參與。」