大家唔好睇CHOCO常常都走在潮流尖端，其實私底下都係個計過度過的節儉女生。兩日後又到SOGO Thankful Week，本小姐已預先搜羅了好幾個品牌的折扣消息，認真思考有咩抵入手，尤其可以趁有優惠套裝試新產品，亦可以買定日常用品來存倉。以下就為大家按折扣順序，列出幾個抵買優惠，一齊同CHOCO做個精明女生。
皮膚狀態差，點化都唔會好，所以就先同大家講護膚品。主打保濕的Biotherm推出43折的熱賣皇牌套裝，當中包括皇牌奇蹟水、潔面霜、保濕凝膠、抗敏霜等，用來迎接乾燥的秋冬至為適合。
用上宮廷養顏秘方的「后」同樣推出43折套裝，共有秘貼自生精華及循環精華兩款，均是1支貨裝加6支旅行裝的份量。秘貼系列主要用以修護及抗老，聽聞李英愛姐姐一年會用上6支，想試滋養型護膚品的朋友可趁機入手。
知道不少女生都會特別留意護膚品的成份，因此比較崇尚天然產品。以APIVITA為例，標榜使用100%的天然成份，希望姊妹們用得放心。品牌數個Thankful Week套裝中，本小姐覺得高效補濕修護組合最化算，56折的價錢可買到面霜、精華、潔面乳，同時有深層補濕洗髮水、護髮素及護髮膜，夠晒全面。
第四抵價是以「小綠瓶」見稱的HR，系列的植物幹細胞聲稱可以修復皮層及促進細胞再生。齊集皇牌產品的套裝今次做55折，入面有一大一細精華露、活膚水、晚霜、眼霜等，足以應付每日的護膚程序。
挨過夏天無情的太陽，是時候好好美白一番。Caudalie以69折推出天然亮白三寶套裝，運用葡萄萃取物提升肌膚亮澤感。裏面除了有兩支精華液、精華露、晚霜等，亦包括有「皇后水」之稱的葡萄籽活性爽膚水，幫手呵護肌膚。
買埋買埋不同品牌的套裝有時都未必用得晒，懂得針對性購物才是有智慧的女生。會勤力敷面膜的姊妹可留意Fresh的全效面膜隨行套裝，8折優惠一次過入手紅茶晚間緊緻面膜、黃糖滋潤亮采面膜、睡蓮青春活膚速效面膜及玫瑰保濕面膜，可按皮膚不同狀況使用，盡量減少浪費。
優惠有機會只適用於限定分店，大家行動之前最好先上網了解清楚，避免浪費了時間排隊又未能入手心水產品。彩妝產品就留待稍後再同大家分享，本小姐要再去計計至抵價先！
地址：
崇光香港店－銅鑼灣軒尼詩道555號
崇光九龍店－尖沙咀彌敦道20號