賭王女何超雲呢兩年低調又深閨，除咗忙自己時裝生意外，大多數時間都係留喺屋企玩貓貓煮飯仔。年中幾次撞到超雲一個人去灣仔街市買餸返屋企煮飯，今次見到仲有三太何陳婉珍，但唔係女陪阿媽，而係阿媽陪女！
撰文：東方新地｜圖片：新傳媒圖片庫、何超雲IG、何超蓮IG、何超盈FB
延伸閱讀：
何超雲 街市地膽
超雲十足十地膽一樣，入到灣仔街市仲熟路過行商場，帶住阿媽揀完魚再去買菜，熟路又知行程，魚檔菜檔老闆見到佢熟絡地笑住打晒招呼、吹番幾句，絕對係最貼地又最熟路的千金小姐！
年中幾次見到超雲去灣仔街市買餸，今次難得見到身邊仲有三太陪伴，邊個話有錢人家母女活動就只係去ball買手袋㗎？
揀魚買魚連畀錢，全部都係超雲落手落腳兼話事，三太得個睇字，好放心將今晚餐飯交畀超雲落廚，有口福喇！
買完魚，超雲好熟路咁左穿右插完再過埋條馬路，去相熟菜檔買菜。
滿足吓大家好奇心先，何太同何家千金同你同我一樣，平時住家飯都係蒸條魚、炒番斤菜心就係咁簡單㗎！
延伸閱讀：