【格林童話】李克勤話新歌勁難唱 「錄到頭都痕埋」

出名唱功好的李克勤今天（6日）推出新歌《格林童話》，而這位唱得之人竟開口說新歌難唱，仲唱到他覺得頭痕！？

新歌《格林童話》由徐沛昕及馮翰銘作曲，林若寧填詞，克勤表示：「雖然首歌叫《格林童話》，但主要圍繞一個好似大人嘅童話故事咁去描寫，童話故事通常都係公主王子，跟住有個happy ending，但現實生活中係咪咁呢？往往同我哋細個時候睇嘅童話故事個結局有啲唔一樣。其實佢講的都係一啲現代人經常會發生的一啲愛情故事。」原來童話也許並沒想像中美好。

除此之外，克勤又透露第一次收到歌曲Demo時，覺得有很多個「非常」，「非常動聽、詞寫得非常之好。而且呢首歌係非常非常之咁難唱、非常非常之水蛇春冇抖氣位、錄咗非常非常之多日，真係錄到頭都痕埋。」