資深藝人李香琴今日設靈，琴姐女兒蕭紫筠與契仔陸永昌於下午4時多步出靈堂受訪，蕭紫筠透露母親生前沒有任何宗教信仰，故喪禮會以追思會形式進行，更指靈堂內播放母親生前照片，乃陸永昌負責製作。問到亡母可有遺願？她說：「都冇，佢都心滿意足，乜都有。（有冇陪葬品？）佢生前鍾意嘅顏色嘅衫。（壽衣？）一件紅色好靚嘅衫，係佢之前演唱會成日着，仲有一件斗篷。」
蕭紫筠表示基本上親友也到齊，只是身在外地的契仔萬梓良未能返港。而帛金方面，她指母親出身粵劇界，故決定捐給八和會館，好讓長者們新年多一封利是。談到與琴姐當年因錢脫離姐弟關係的李樹佳，蕭紫筠指對方沒有她的聯絡：「佢有聯絡我朋友。（會唔會歡迎佢嚟？）只要有琴姐心就歡迎，每個人都歡迎，其實都好耐冇見佢，當年琴姐登報脫離關係已經冇見。」
今日不少圈中好友前來致祭，當中包括謝賢、黎耀祥、李司棋、苗僑偉夫婦、黃日華、曾華倩、金漢夫婦、胡楓、姜大偉夫婦、羅家英夫婦、羅蘭等等。
胡楓、羅蘭一同受訪，羅蘭指與琴姐由粵語片時代相識至今近50年，最記得一起去越南登台20多日，對方相當照顧她。而胡楓坦言認識60年，指對方一直受導演、監製愛戴，他笑言大家很多難忘事，但現時已不記得。金漢、凌波結伴前來，凌波坦言與琴姐的女兒及女婿是好朋友，凌波謂：「佢女婿係我哋幾十年波友，多年前見過琴姐，佢已經唔舒服，不過當時仲認得我哋。」
李司棋受訪時相當傷心，全程哽咽，她表示對上一次見琴姐是幾年前：「佢患腦退化症好慘，佢完全唔認得我，冇同我講嘢，我猛提『媽媽喺大廳』，佢都只係眼睩睩望住我，好懷念琴姐，佢好得意、好Nice，成日話得閒就約人飯茶，依家要好好紀念佢。」黎耀祥表示與琴姐曾多次合作，亦曾與她及譚炳文到美國登台，印象中的琴姐很照顧後輩，試過於公司飯堂撞見對方，對方二話不說請客，於對方身上學會如何當一位演員，惟近年對方身體狀況欠佳，二人已鮮有見面。
另外，謝賢亦有到場致祭，逗留約半小時候離開。見他精神不俗，問到會否做訪問？他說：「冇嘢講，咁多人有咩講。」隨後上車離開。
東網網站 : https://on.cc/
東網Facebook專頁 : https://www.facebook.com/onccnews/
留言 0