9月15日就是卓韻芝的婚禮大日子，婚期倒數，卓韻芝的婚禮安排也逐漸曝光，包括她的一眾姊妹團名單、喜帖樣式及婚戒等。然而相比其他明星的盛大婚禮，阿芝並沒有豪搞，更話婚禮不是婚姻：「婚禮嘅嘢，除了主人，no one cares」一矢中的，值得各新娘子深思！
卓韻芝的姊妹團名單包括圈中好友鄭秀文、阿Sa、梁詠琪和周勵淇，星光熠熠！鄭秀文仲鬼馬分享：「其實做呀芝的姊妹，職責應該係搞事。」早於8月底一眾姊妹團已開會商議婚禮大事，有呢班咁玩得嘅姊妹團，睇嚟玩新郎遊戲一關將困難重重！
卓韻芝的結婚戒指並非出自大品牌，而是和未婚夫「閃電俠」親手打造，兩枚婚戒由同一條白金分割而成，別具意義。
阿芝話打造婚戒過程絕不簡單，既要將紋理鎚打出來，也要用電鋸，有時還需師傅出馬幫手。暫時阿芝只post了戒指半成品，相信真身要留待婚禮當日才公開！
其實連求婚戒指也是未婚夫「閃電俠」親手打造，心思爆燈！
餅卡方面，卓韻芝沒有選用連鎖餅店的餅卡，反而選了本地人氣餅店Phoenix Sweets，餅卡設計與喜帖一脈相承。阿芝更親手題了一首詩，來回改了很多次，印在喜帖內送給摯友，甚有意思：
「缺一塊詞
原來是組成我的你
萬盟歸一
今晚你身影圓滿故與事」
前輩許鞍華已率先收喜帖，更送上龍鳳金耳環一對祝賀卓韻芝新婚！阿芝已表明穿裙褂出門會戴上。
卓韻芝的婚禮不算大排筵席，婚禮將分兩日進行，一日同親戚食飯，另一日搞西式wedding party招呼朋友，又會跟足傳統過大禮及敬茶。阿芝也曾在Facebook分享籌備婚禮經歷：
「被說過好多次：『點解婚禮將臨，你竟然咁輕鬆』，我估，我真是算得上幾hea。不少人曾經提議許多項目（連fans也私信建議，甚是窩心）：展示婚紗相啦、換衫環節啦、DJ打碟啦……內心感謝大家意見，但我是咩都冇搞，婚照也沒拍。當然亦因為大量朋友出手幫忙，我才可以輕鬆寫稿，又有空做義工，不過反而安排好化妝整頭給女仔朋友；始終大家都喜歡自己靚靚嘅。」
「其實一直覺得，婚禮是朋友聚首，影吓相，食吓嘢，輕鬆一晚。有時覺得咩都唔整，大家反而有個機會傾吓偈；說到底，婚禮不是婚姻，婚姻要hard work，婚禮就是簡簡單單開心一晚。
唔知啦，上個show講嘅嘢我是衷心相信的，婚禮嘅嘢，除了主人，no one cares，作為好友，知道你係嫁出去就得啦，話之你喺大排檔搞吖。婚禮的目標，並非大家氹我開心，而是一起慶祝愛，互氹開心。招呼唔到，大家飲多杯啦！• •」
未婚夫「閃電俠」比卓韻芝細5歲，兩人在交往第一天，「閃電俠」就拿出鑽戒求婚。卓韻芝當時在新書《峰迴路轉》公佈喜訊，其中最終章「自由之路」開首寫著：「我要結婚了，就跟你。」
公佈婚訊後，卓韻芝曾在IG抒發感受：「訂婚發出的一個啓示：原來訂婚是否給予一個機會給疼愛你的人去表現愛。也許我平時太硬淨了，太率性了，太不容許他人去展現愛了。 #感謝前輩們的愛 #感謝朋友們的愛 • •」期待兩人的大日子，也祝願他們婚後幸福快樂！
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
留言 0