風中趕路人　張文慈穿插中港開工嗌到聲沙

藝人張文慈（Pinky）近日風塵僕僕，除忙於為郭政鴻網上直播帶貨擔任特別嘉賓外，日前佛山商演後便急着趕返香港，會合前輩趙雅芝等現身大埔林村，參與海南衞視的節目錄播，吸引大批粉絲到場圍觀，場面熱鬧。

不過盛傳當晚有男粉絲意欲舉機拍趙雅芝時，被現場保安制服於地上，情況一度混亂。Pinky受訪坦言：「其實我真係唔知發生過乜事，大會安排我未出場時留喺後台化妝間休息，但錄影期間有話因為粉絲太多，要重錄一次囉。」該節目「聯乘」10個城市代表演出，Pinky負責代表香港，難怪她直言有點壓力：「尤其之前做直播搞到把聲沙咗，本來打算唱《千千闕歌》嘅，但驚高音失準，所以臨場改咗唱《海闊天空》，好彩出嚟效果都還可以啦。」

談到年前她有份參演的無綫劇《跳躍生命線》於深宵重播，勾起不少劇迷的回憶紛紛追看，Pinky笑言：「我都唔知㗎，係聽身邊啲朋友講起咋。當時呢套劇拍得好開心，我戲中嘅十三點形象都算受落。過幾日我就返香港過年，都時一定會把握機會坐喺電視機前重溫吓。」

東網網站 : https://on.cc/東網Facebook專頁 : https://www.facebook.com/onccnews/