哈利麥佳亞最近接受訪問就話「我上季踢咗16場英超，而我覺得自己有份上陣嘅比賽都有唔錯表現。 只不過，上季上陣次數唔會令我滿意。 當然，華拉尼同利辛度馬天尼斯中堅組合真係好出色，所以我需要比啲耐性慢慢等待😶。」
麥佳亞又話「曼聯有四至五位頂級中堅，競爭真係好激烈架。我覺得球員經驗，球員記憶，同埋努力訓練都係重要因素。當機會嚟到就要做好準備，而我成日都相信努力會有回報😎。」
麥佳亞係過去8場曼聯比賽除咗踢足全場之外，仲有2個關鍵入波，呢位英格蘭🏴中堅得到唔少人稱讚，就好似曼聯隊長般奴就話「大家成日都批評麥佳亞，但係佢有出色表現，應該得到大家尊重。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
留言 0