加雲菲臘斯：我嘅膊頭已經好返晒啦 我希望進入英格蘭世界盃大軍名單

今年26歲英格蘭🏴󠁧󠁢󠁥󠁮󠁧󠁿中場加雲菲臘斯係今年9月接受過膊頭手術，呢個手術令到英格蘭國家隊🏴󠁧󠁢󠁥󠁮󠁧󠁿教練修夫基未必揀呢位中場入選英格蘭世界盃大軍名單
菲臘斯最近接受訪問就話「為咗準備世界盃，我已經用咗7個星期盡快恢復狀態，而我一直都好努力保持良好健康狀態，我希望自己每場比賽踢足90分鐘。」
呢位中場被問到會唔會入選英格蘭世界盃大軍名單，菲臘斯表示「我都仲未好肯定，我好希望自己可以有份參加世界盃。我同修夫基傾過，我話咗比佢知我嘅情況。我講過如果你唔揀我，我會理解，但修夫基向我保證，只要我保持健康，證明我嘅狀態慢慢變好，我就會有機會被揀中。我已經盡我所能令到自己保持健康，希望我可以參加世界盃。」
加雲菲臘斯為英格蘭國家隊🏴󠁧󠁢󠁥󠁮󠁧󠁿有23次上陣，當中有1次助攻🅰️