白雲工作有新挑戰：想突破自己！

藝人白雲與胡楓（修修）今晚（26日）上出席齋宴活動，白雲受訪時表示即將有新工作挑戰：「詳情未講得住，但好快可以公布。（今晚嚟唱歌？新工作同唱歌有關？）今晚去唱歌，但工作同唱歌無關。我係因為覺得自己唔識唱歌，所以跟人學咗幾年，雖然都試過登台，但當住咁多人面前獻唱，心情都幾緊張。當初去學唱歌，等如我去學潛水一樣，因為畏水，所以好想突破自己。」

修修則宣布9月12日再次舉行紅館演唱，與粉絲齊齊過中秋！由於年前他已成為「紅館演出最年長歌手」，他說：「希望繼續超越自己落去！（依家開始準備？）我日日喺屋企戰歌、做運動同行路。」至於洪永城早前錄節目，向他討教長壽心得，修修說：「長壽係好嘅，但最緊要健康，如果唔係活着都好痛苦！」他又笑指今晚「趕兩場」：「我打頭陣唱歌，完咗之後要趕去顧紀筠飯局。（好忙？）我日日都好忙，證明朋友多，係好事。」

東網網站 : https://on.cc/東網Facebook專頁 : https://www.facebook.com/onccnews/