林明禎晒高衩玉背險露裙底春光　林保怡柳岩成影帝影后

第二屆世界電影產業大會暨澳淶塢國際電影電視節及第三屆澳淶塢五大洲國際電影節金莉花獎尋日（23日）於澳門盛大舉行，當中就邀得女神林明禎到現場力撐，只見佢以一襲風情萬種嘅異域打扮現身，戴上金光閃閃頭紗配Deep V高衩晚裝，一轉身更見到套衫係超大露背，配上佢仙氣靚樣，真係引死人。見佢上載咗多條轉圈片，就知佢對套衫好滿意，不過因為係高衩關係，佢多次風騷轉身時均見到佢白滑大腿展露人前，神秘三角位置更係約隱約現，女神忽然賣大包，真係令人非常心動！

當晚內地女星柳岩以電影《來福大飯店》「馬小琳」一角獲得金莉花全球最佳女主角，影帝寶座則由林保怡以電影《白日之下》「院長」一角奪得。柳岩表示澳門係佢福地，五年前憑《受益人》於澳門拎到人生中第一個獎項，今次獲獎佢都要感謝組委會認可，感謝導演拍咗一部溫暖嘅治愈片，令佢一舉拿下影后殊榮。而方中信就憑藉電影《金手指》榮獲全球最佳男配角獎。

東網網站 : https://on.cc/東網Facebook專頁 : https://www.facebook.com/onccnews/