【LINE你睇】搞笑A4紙影印月餅劵騙案 仿真度太低店員即時識穿

中秋節快到，小心月餅劵騙案。近日就有本地小店在網上社交平台分享一單「搞笑騙案」，帖文稱一名男顧客竟拿著二十多張A4紙影印的假月餅券來換取月餅，由於實在太假被店員即時識穿，帖文附上該批影印月餅店的相片，搞笑稱：「臨時演員都係演員，專業少少得唔得呀」。店主最後決定報警處理，不過該名疑似騙徒早已離去。

小店「Crystal House水晶屋」在Facebook帖文描述這批山寨馬來西亞貓山王榴槤冰皮月餅券仿真度極低，「又冇印仔、又冇Number！又冇背面」。小店稱相信該男顧客可能被整蠱，因為全疊月餅券很明顯只是彩色影印本，搞笑指：「你影印本都麻煩剪一剪返張券個樣出嚟啊」。不少網民留言：「俾吓面，最少都要剪個邊邊」、「俾返個影印本月餅佢」。

不過，事件發酵兩日後，水晶屋再度發帖稱，事主女兒已聯絡他們稱自己一時疏忽，為父親所引起的誤會道歉，經了解後店主已接受道歉及已原諒他們，不作追究。

圖片來源：Facebook@Crystal House 水晶屋

【LINE你睇】每日精選網絡熱話，源源送上新鮮事，LINE你睇唔驚冇話題。