《九龍城寨之圍城》未曝光版本 陳詠燊曾任編劇版本更貼近原著

昨晚參與香港電影編劇家協會舉辦的「同編劇傾劇本」 － 《九龍城寨之圍城》，分享會剛開始，主持陳詠燊就率先擲下震撼彈，原來《九龍城寨之圍城》曾經由陳詠燊擔任編劇，版本更是截然不同。

時間回到2016年，即陳詠燊仍未執導演筒開拍《逆流大叔》之時，監製莊澄非常渴望促成《九龍城寨》的計劃，曾經邀請陳詠燊擔任編劇，當時《九龍城寨》仍然是李子俊執導的作品，兩人有曾商議過，陳詠燊便開始閱讀頭十期的原著漫畫，原因在於當時打算的改編範圍都是十期漫畫內，結果陳詠燊更寫出了長達130頁的第一稿版本，內容比現時版本更貼近原著。

「我個個版本反而係陳洛軍係大老闆條𡃁，咁就因為佢特別出色大老闆就驚佢會取代自己，於是反而跣咗佢一獲要追殺佢，迫佢食咗死貓，咁十二少係佢嘅好朋友嚟嘅，本身就係外面嘅好朋友嚟，就話你匿入城寨啦。咁於是入咗城寨之後呢，就大老闆啲人唔敢入去搞佢，咁但係同一時間佢又唔可以比人知道佢係陳洛軍，所以佢就隱姓埋名做第二個名「火兒」，就係入面生活，咁就識咗信一佢地幾個人，同埋阿叉燒老闆，啫係喬靖夫本身戲份就再重啲嘅，就係教佢武功嘅一個人，一路教佢燒燒味就一路教佢武功，咁亦都有個傳說就係有個人個朵唔係叫「龍捲風」係叫「哥哥」，「龍捲風」係個招式名嚟嘅其實，個個德高望重嘅人叫做「哥哥」，咁就係傳說嚟嘅啫但冇人見過佢，總之佢就係暗地裡垂簾聽政咁係到管理個城寨，咁點知到大老闆某個原因可以殺入嚟嘅時候呢，我哋要搵哥哥出嚟啦，之後信一呀喬靖夫呀先話阿哥哥一早已經唔係到啦，佢地代佢嚟照顧緊個城寨，所以佢要用一啲方法去學好武功對付大老闆，打Ending係打大老闆嘅。」

陳詠燊將自己的版本由頭到尾還原，可見陳詠燊的版本比較貼近原著發展而且更具港漫風格，當然這已經是另一平行時空的事情。最後另一主持彭秀慧問了一個關鍵問題︰「你寫完呢130幾頁紙，你有冇收錢？」陳詠燊回應︰「我記憶中有嘅，莊生係均真嘅。」

圖片來源︰陳詠燊

▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D