玄學家七仙羽（七師傅）人氣高企，近日她更「處女下海」首度直播帶貨，與帶貨女王女ViVi合作開live，期間七師傅頻頻展現搞笑本色，不但大方敷面，兼用腳搽精華液，更笑指傅不忿直播價太筍：「我好嬲，咁多嘢送賣幾千蚊咁平，仲以為美金添呀！」繼而豪晒曬大疊金牛逾萬多元，指要加入搶平貨行列，仲邊講邊數錢，笑爆網民。
七師傅續指自己會經常敷面膜，甚至敷過夜，以保持肌膚亮麗。同時她也分享了行運之道：「一個人皮膚靚，有自信就會行運！要飽滿得嚟最緊要有光澤。相反皮膚一差氣場都差，個人就容易霉同行衰運。」她直言認識的企業CEO朋友都非常注重護膚，且愈來愈成功。因此奉勸所有人無論男女也應該要投資容貌，好運會隨之而來。事後主播ViVi大讚七師傅：「螢幕上見到師傅好玩得，其實佢私下好斯文同好有善心！同佢合作到好開心。」
東網網站 : https://on.cc/東網Facebook專頁 : https://www.facebook.com/onccnews/
