無綫劇《痞子殿下》昨晚（2日）播出第2集，飾演紀威的周嘉洛有突破性演出。劇情講到范壯龍（張頴康飾）打算偷看納克溫柔（陳瀅飾）冲涼，但正在洗白白的其實是紀威，紀威即時企起身鬧爆壯龍，豈料壯龍反過來威脅紀威說：「你知唔知每個男人心裏面都有座山㗎？係斷背山呀！」嘉洛於該場口全裸露股演出，網友驚訝：「係唔係真身呀？」
監製陳耀全（Andy）透露嘉洛拍攝相關場口時，原本穿了肉色褲打底，但為了效果更好，Andy建議嘉洛全裸上陣，而嘉洛亦二話不說答OK。問為何爽快答應，嘉洛受訪時說：「都係為咗效果，對我嚟講無傷大雅。」
嘉洛補充指當時臨急臨忙做安全措施：「監製同我一齊去，主要用牛皮膠紙黐住敏感位置。」問到搣膠紙時會否好痛？嘉洛笑謂：「都唔會痛，因為一浸落水度啲膠紙就會甩，反而係起身時驚穿崩，好彩前面得張頴康一個，佢見到膠紙就甩都擰轉面，好似仲講咗句：『我唔想睇，唔好逼我！』」另一場口陳瀅見到大隻朱敏瀚除衫爆肌，亦禁不住嗒糖𥄫實，期間還忍不住輕撫他的胸肌，相當𤠣擒。
（即時娛樂）
