陳豪、馬國明（馬明）、郭晉安（安仔）、胡定欣、唐詩詠及張曦雯等，今日出席TVB劇集《白色強人II》記者會，為下周一（25日）首播造勢。陳豪與胡定欣今輯加入演出，令劇集雲集3視帝及兩視后主演，其中陳豪表示不擔心戲份的問題，作為有資歷的演員只會重質不重量，期望融入劇中的兩對CP（馬明與唐詩詠、安仔與張曦雯），並擦出新火花。
陳豪和胡定欣笑言在劇中只睇其他兩對CP晒恩愛。
問到陳豪是否飾演花弗醫生？胡定欣聞言搶着稱讚陳豪的角色很有魅力，而陳豪就笑謂：「監製話畀好多女朋友我，屬情場浪子型，但其實由頭到尾得一個浪、都係一支公。」胡定欣又是否介入馬明和詩詠的感情？她即說：「我無介入，我同監製說明唔要做第三者，佢哋嘅CP值太高、唔可以輕舉妄動，男女之間亦唔一定要拍拖，可以互相欣賞。」繼而胡定欣風趣再說：「我嘅感情戲份雖然平淡，但都有睇頭，只係攬攬錫錫就冇份，同陳豪兩個只有望住另外兩對情侶親熱，望到流晒口水，最後一幕仲要我哋兩個好孤獨咁坐喺公園，何不安排我哋兩個孤家寡人喺一齊？可能係想留低遺憾，安排另一個延續篇。」
飾演情聖醫生。
不過醫人的時候又好認真。
陳豪近日舉家staycation，太太陳茵媺（Aimee）的水著獲網民激讚，他稱太太因即將開工，有許多訓練和準備工作，亦會大大減少陪伴小朋友的時間，因此趁機預先作彌補。今次是Aimee相隔10年再度復出拍劇，陳豪指她當然要拿出所有精神和心血、向觀眾呈現最好的一面，他更趁機向Aimee發表愛的宣言說：「我絕對支持太太拍劇，staycation都絕對支持。」
陳豪再與胡定欣合演劇集令人期待。
Aimee近日和老公及三個仔女一同去staycation。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ