（獨媒報導）香港田徑總會上周五宣布，取消原定在11月中舉行的渣打香港馬拉松賽事，指跑手沒有足夠時間準備。體育專員楊德強今早在電台節目對田總決定感費解，指去年渣馬僅用兩個月籌備，當局在8月批准並在10月舉行，「同舊年批出嘅時間相若，咁點解舊年可以兩個月安排得到，而今年兩個月安排唔到呢？」
田總在上周五取消渣馬後，文化體育及旅遊局局長楊潤雄接獲消息後稱感到突然。楊德強今早接受港台節目訪問，重申當局一直和田總溝通及協助，指對方在9月7日才將修訂建議交給政府，部門收到後已盡快處理，「同舊年嘅時間都係相若，咁點解咁今年佢哋覺得兩個月嘅時間籌備方面，或者跑手預備嘅時間係唔夠呢？」
指田總曾查詢維園2月檔期 同日卻宣布取消
楊德強透露，田總在上周五曾稱因時間緊迫或考慮延期，並向當局查詢明年2月的場地，「咁我哋都即時查咗，維園2月係有檔期，咁佢哋收到之後，大概係同日呢稍後時間就話返俾我哋聽，就唔考慮呢個延期，直接宣布將個賽事取消。佢哋講嘅理由就係話兩個月嘅時間對於賽事、跑手準備嘅時間可能緊迫一啲。」
渣打香港馬拉松去年曾押後至10月中舉行，參加人數約18,000人。楊德強指出，田總今年申請人數為33,000人，但現時確診個案較去年多，後來在9月7日才將人數降至25,000人。
指滾動式起步有大型聚集 公共衞生有一定風險
楊德強認為，由於馬拉松屬滾動式起步，即會有大型聚集，「一開始跑步，基本上好快就會除咗個口罩」，在公共衞生角度有一定風險；田總其後亦修改為分組起步，及將分隔時間拉長，當局遂需再作審視。
此外，政府在上周五同批准維港渡海泳、國際足球友誼賽舉行，楊德強亦指「呢方面田總係知道嘅」，更反問「點解星期五係做個咁嘅決定呢？我相信佢哋執委會有佢哋自己嘅考慮。」
他引述傳媒報導稱，田總在過去周末曾稱或會延期，強調當局必定會作出協助，「無論點都好啦，田總係話想今年11月搞，出年2月搞都好，我哋都會繼續協助佢哋處理呢個申請。」
