請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

獎門人丨薛家燕聽到濕身要出秘密武器 以年資壓制高難道嘢搵人頂

家燕姐一直很想參《開心無敵奬門人》節目。

薛家燕昨晚(2日)到電視城為《開心無敵奬門人》錄影,家燕姐透露今次是曾志偉突然邀請參加:「可能因為港姐個show要推遲,今次好急,佢前日叫我嘅。」提到志偉早前染疫,家燕姐即緊張地問:「佢好返未?」問怕不怕錄影時會中招,家燕姐透露所有人在錄影前必須要做快測:「呢個係一個保障,因為疫情都好緊要,大家都要小心為重。」她又指現時除保持心境開朗外,每天也會跳十字步來增強免疫力。

家燕姐指自己一直很想參與此節目,但來到才知道有濕身環節,亦會有忌廉彈落塊面,以及跳高去拮波等環節,故她事前亦叮囑隊友如陳曉華、翟威廉等要表現自己。對於陳曉華表示濕身環節打算與她坐在一起,家燕姐聽罷後即笑指自己有秘密武器:「就係Captain Nancy,(會變身?)梗係啦,佢淋我,Captain Nancy就出現。(如果佢叫你食辣辣壽司?)我一定會問佢出道先定我出道先?如果我出道先,佢尊重我嘅話,啲辣嘢梗係唔係畀我食啦,啲觀眾唔鍾意我做有難道嘅嘢,佢哋錫我,係鍾意我做啲開心嘅嘢。」

《開心無敵奬門人》昨晚進行錄影。

家燕姐指自己已幾十年沒打波。

鄭衍峰好慘被打中下體。

家燕姐咩事咁開心。

家燕姐的組員在額頭上加粒墨。

陳曉華好大膽,濕身環節想同家燕姐一齊坐。

家燕姐話觀眾好錫自己,唔鍾意她做有難道的事。

立即下載 | 全新《星島頭條》APP : https://bit.ly/3yLrgYZ