四大天王變四大外父 城城：呢啲唔講

德晉集團行政總裁陳榮煉與太太安以軒、郭富城、周柏豪、謝金燕、張秀文、葛民輝等現身澳門出席《德晉集團》春茗晚宴。郭富城表示好少到澳門，每次來到也覺得很美，將來有機會也會帶女兒來，又指現時忙於還廣告債，四月開始電影工作。談到古天樂憑《殺破狼·貪狼》奪得三次影帝殊榮，可會認為他於金像獎再下一城？他說：「呢樣唔評論，我未睇過部戲，咁會唔公平，所以唔講住。坦白講我無留意提名名單，近排拍緊《風再起時》加上處理屋企嘢無乜時間，之後會留意，不過工作在身到時出席唔到，但我支持香港電影。」

提到黎明快將為人父，他笑謂知道，因為社交平台有人會講，如果是真的會恭喜對方，自己不太清楚，雖然自己在行內，但不了解不要由他答。談到網民指若黎明生女，四大天王變四大外父。他說：「又嚟，呢啲唔講。」對於下月18日結婚一週年，城城表示交返由他處理，工作會跟大家分享，私人事「留返他自己」。