請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

旅遊

明仁天皇退位及新天皇即位假日特別法草案通過!2019年日本黃金週落實「十連休」 唔想到時人山人海同人迫就要注意喇

PressLogic - Holiday假期日誌

發布於 2018年11月14日08:55 • Holiday 假期日常

日本一向係港人旅行嘅熱門地。不過如果有計劃出年4、5月去日本嘅大家就要注意喇!

因為早前宣佈退位嘅現任日本天皇明仁將喺2019年4月30日正式退位,而為配合新天皇即位,日本內閣就喺尋日(13/11)通過明年嘅「明仁天皇退位及新天皇即位假日特別法草案」,落實2019年4月底至5月初「十連休」長假。

其實日本每年4月底至5月初向來都有唔少公眾假期,如29/4「昭和之日」、3/5「憲法紀念日」、4/5-5/5嘅「綠之日」及「兒童日」,咁啱出年嘅5/5「兒童日」正正喺星期日,所以星期一定為補假,再加上週末組成嘅連假,故有「黃金週」之稱,呢個時候唔少日本人都會選擇出遊。

所以尋日通過嘅「明仁天皇退位及新天皇即位假日特別法草案」,1/5亦將會將新天皇即位及更改年號日子定為假日。

根據日本假期「祝日法」,若公眾假期嘅前天或後天係假日,就必需連放,即是如果將1/5設為公眾假期,而夾喺29/4同3/5之間嘅公眾假期,所有30/4同時2/5都必需放假,代表日本人最長可以從4月27日一直放假到5月6日,迎來十連休。

每年日本黃金週已經有很多日本民眾會選擇出遊,而咁啱出年又有「十連休」超長連假,相信到時會吸引更多日本人出遊,國內各大景點、公共交通定必水洩不通,高速公路塞車,酒店房價亦會比平時昂貴同難訂呀。

Source:日本經濟新聞

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

歡迎關注我們的 FacebookInstagram

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。