林熙彤大學畢業在即 膽博膽闖演藝圈 勤接Job汲取經驗

網絡女神林熙彤（Hazel）出道3年，一直兼顧學業與工作，今年，她即將結束學生生涯，大學畢業了！Hazel將全身投入演藝圈，卻遇到娛樂市道不景氣，Hazel笑言作出決定也是膽博膽：「其實將近畢業，心裏面一直都喺度諗緊自己嘅將來，係好矛盾嘅，一邊會諗雖然自己鍾意表演戲，但另一邊就會考慮到如果全身投入，唔穩定嘅收入，可唔可以照顧到自己？不過我都會想繼續試多啲唔同嘅幕前嘅工作，累積工作經驗，挑戰自己。期望搵多啲錢，跟住可以進修設計，放眼世界；同時我會繼續另一個目標，就係希望盡快推出我嘅攝影集，呢幾年發現自己愛上攝影。」

最近Hazel密密接工作，日前獲邀接拍全新廣告，拍攝當日要坐在一個很高的大盒子上，如旋轉木馬地轉動，其間要扮成勞累樣子，Hazel笑說：「我唔係扮攰，係真係攰，平時又要返學又要做嘢，個人好濕好攰，中醫話我濕氣重，呢個真係平時嘅我，拍嘅時候差啲攰到瞓着。」Hazel年紀輕輕便懂得養生，「今年跑完渣馬愛上跑歩，嚟緊我會加倍努力做運動，個人出一身汗，加上適當休息，感覺好refresh、好開心。」

（即時娛樂）