男團MIRROR除了應付演藝事業外，部分成員更要兼顧個人品牌，隊中不少成員包括江𤒹生（AK）﹑陳卓賢（Ian）﹑柳應廷（Jer）﹑盧瀚霆（Anson Lo）及楊樂文（Lokman）等，先後晉身老闆行列，最近「大表哥」邱士縉（Stanley）亦跟友人合資開設健身室。
Stanley昨晚在Instagram貼出他健身騷肌的黑白照，他表示自己在上個月低調地實現了另一個Project，就是擁有自己的健身室。
他留言寫道：「以前有朋友問：點解你咁鍾意做運動？當時我嘅回答係：無㗎喎，想大隻啲，有型啲，著衫都好睇啲嘛!
但𠵱家我嘅回答係，我覺得做運動好實在，好公平。你努力付出咗幾多，就會得到幾多回報﹗當中不存在僥倖，係真真正正的一分耕耘，一分收穫。呢個信念影響我好深，令我即使工作上迷失嘅時候，仍然可以提醒自己要努力。
感恩遇上呢個團隊，佢哋嘅火感動到我! 佢哋唔係為咗要賺錢，佢哋真心想教好每一個學生，令學生更健康﹗」
（即時娛樂）
