由冼靖峰（Archie）、關楓馨、阮浩棕及薛家燕擔任主持的無綫煮食節目《家常便飯爭霸戰》現正熱播，Archie被問到揀另一半要靚女還是要識煮飯時，Archie戲言：「其實我可以揀食外賣！」答案看來呼之欲出，十分搞笑。
昨晚（19日）一集請來李思捷和媽媽馮筱儀做星級試食員，李媽媽12年前曾於節目《為食台住家廚神終極戰》勇奪冠軍而有「香港廚神」之美譽，思捷直認由細到大都好口福。比賽期間，家燕姐大讚思捷靚仔，思捷見到媽媽偷笑，李媽媽解釋：「係好開心有人讚你靚仔。」而思捷又在節目中化身月老，見單身男參賽者即想介紹給關楓馨，關楓馨立即派檸檬：「我最愛都係爸爸（關禮傑），唔好問啲咁尷尬問題！」。
另外，家燕姐自爆戀愛史：「我拍拖時男朋友問我鍾意啲咩，我話唱歌跳舞，佢聽完望住我，但個樣一啲都唔開心，問我你識唔識煮飯，我話梗係唔識啦！我以為好小事，佢個樣直情係愕咗然，原來煮飯對佢哋嚟講係咁重要，之後我即刻扚起心肝學煮餸。」
東網網站 : https://on.cc/東網Facebook專頁 : https://www.facebook.com/onccnews/
留言 0