即將舉行首個個唱的MIRROR成員江𤒹生(AK)，雖然近日被捲入隊友Frankie女友風波，不過亦要重整心情，在正式閉關籌備演唱會前，昨晚推出最新單曲〈偽映畫預告〉MV，首次和馮允謙(Jay Fung)合作寫曲，MV更有八大經典電影場景串連。
昨日下午江𤒹生在海運戲院舉辦MV首播會，與300生粉先睹為快。而新歌〈偽映畫預告〉由徐浩監製、AK、Jay Fung作曲、好友Oscar填詞及負責操刀MV，以經典電影場景比喻一段關係開始前，就好像電影預告一樣精彩，但當你真正去欣賞電影時，會發現電影與預告原來存有落差。
AK透露早在多年前活動上已邀請Jay Fung合作寫曲，直至兩年前一次靈感湧現，AK才有勇氣聯絡Jay Fung合作：「好記得一次表演後返到屋企，個腦突然間有啲melody，即刻攞部電話錄起咗，又好膽粗粗send畀Jay Fung，真係一個好rough口哼幾句嘅melody，佢竟然一口就應承咗我！」
歌詞部分AK說Oscar以電影預告形容一段感情寫照，因為好多關係未正式開始，會像電影預告精彩美好，但事實卻未必是和預期一樣：「每段關係開始前，大家都會諗得好美好，好似電影trailer，最精華最好擺晒裡面，但件事最終發生成點，一日唔開呢套戲一日都唔知道。一段戀情一樣，開始咗至知同另一半唔啱、係需要磨合，或者未必最適合你，同你睇嘅trailer原來唔一樣。」被問到愛情觀，AK覺得和MV男主角相近亦有相似經歷，開始時可能對愛情抱有幻想，但開始後很多事亦不是自己想像中美好、相處是想像中的舒服，關係沒帶想像中的好。
今次MV穿插八部經典電影場景，AK表示這是填詞兼MV導演Oscar想法，當中場景包括《教父》、《花樣年華》、《無痛失戀》、《少年Pi的奇幻漂流》、《鋼琴戰曲》、《La La Land》、《布達佩斯大酒店》及《真人show》，當中也穿插了其他電影如《鐵達尼號》、《這個殺手不太冷》、《春光乍洩》、《搏擊會》、《潛行空間》等等的劇情及服飾細節。AK說：「嚟到現場真係有走入電影世界嘅感覺，加埋燈光好靚，自己都不停打卡，好鍾意《布達佩斯大酒店》及《教父》兩個場景，而第一下入到嚟見到《La La Land》，自己好大感覺，因為我好鍾意L.A呢個地方，人生第一次到L.A仲係dancer嘅時候，有特登上天文台山睇呢個夜景，到今次望到呢個假夜景，上年又拍完《Blue Monkey》返嚟，有啲掛住係L.A生活、朋友，同嗰邊拍嘢嘅回憶，即刻問大家幾時再有機會去拍過。」
留言 0