今天(12日)母親節,亦是江若琳做媽媽後度過首個母親節,江若琳在社交平台貼出和得意囝囝Owen生活照,江若琳有感而發寫道:「今天是我生命中第一個屬於我的母親節,好像要特別有儀式感地過吧?可惜沒有。
我的生活如常,早上7:00起床陪玩,換片,遊戲,然後煮午餐,帶BB包去散步,餵飯,陪我食個午餐,氹午睡,生活如常,也許每個母親都一樣,就算多重要的日子,還是把孩子的生活放第一。
當了母親快一年了,我體會到做任何一個職業,都唔夠做媽媽呢個職業來得大壓力,由佢係肚中孕育開始,已經擔心住佢嘅健康﹑佢嘅成長,擔心佢能唔能夠平安嚟到呢個世界,到佢出世,繼續每日擔心佢嘅成長,佢瞓得好唔好,食奶食得好唔好,佢唔舒服點算好,佢跌親撞親點算好,嚟緊要讀邊間學校好,好像每日都會擔憂100樣嘢。
我相信每個媽媽去到生命盡頭的一刻,都仍然記掛住孩子們過得好不好,有沒有母親曾經覺得自己做得不夠好,而在晚上默默流淚?這就是媽媽的人生,但只要看到孩子對我笑一下,健健康康地長大,好像所有的壓力,辛苦可以忘記得一乾二淨!
那種幸福感無比強烈,我也是當媽後才深深理解母親的苦與樂,所以小時候常常說媽媽真偉大,但一直仍未能深深體會,但直到BB包出世,我感受到母親的力量,所以好想跟媽媽講一聲:辛苦了!祝各位媽媽,母親節快樂。
我都好想同我的BB包講:媽媽也許不夠好,做不到100分,但我真的很愛你,這是一輩子的愛,你要做一個健康快樂的人。」
(即時娛樂)
留言 0