實名制之後，鏡粉好大機會買到飛捧場。
MIRROR首個紅館演唱會將於7月25至31日、8月2至4日，原定開10場，因為反應熱烈，今日於社交網以「聽到大家嘅聲音」為題宣布2件重要事項，第一是加開8月5及6日兩場MIRO特別場，第二是：「經城市售票網公開發售的門票（12場）將以實名制形式發售」；康文署今日亦宣布，今次MIRROR演唱會，將首次在紅館試行流行演唱會實名制，以確保樂迷有公平機會購票。
MIRROR今日宣布兩個好消息。
其實早在一個月宣布MIRROR紅館演唱會後，鏡粉已留言要求實名制，今次得償所願，鏡粉都留言大讚：「多謝你哋聽到我哋無助嘅聲音！」、「終於實名制啦！希望買到飛！」、「從善如流，值得一讚」、「有良心」、「做到嘢」等。
康文署今日都公布紅館實名制喜訊。
圖片來源：MIRROR@instagram
