台灣宜蘭有條古步道，叫「見情懷古步道」，被稱為全球28條最美小路之一。更有網民封佢為「人間仙境」。
呢條步道被參天大樹包圍住，附近有已棄用嘅火車路軌同吊橋，本身用嚟運送木材路軌一早佈滿青苔。喺半空嘅吊橋上可以一覽四周嘅山巒，仲有雲海相伴，勁似入咗仙境。唔同天氣上去睇嘅風景都有獨特嘅風味。
天晴時，搵啱角度，可以影到「耶穌光」，好靚！
迷霧下喺吊橋影相，就有種鬱鬱寡歡嘅味道，好適合影風格圖。
樹椏、葉上、地面鋪滿薄薄雪霜，好浪漫！行嘅時候記得分外小心。
走入大霧嘅森林，仿佛入咗另一個空間，有種神秘嘅感覺。
由太平山林道（太平山）行大概23公里左右就到，見情懷古道路面平坦易行，吸引好多人一家大細上去朝聖。
見情懷古步道真係好似童話故事入面嘅深山秘境！
地址：宜蘭縣大同鄉太平山宜專一線22.3公里
相片授權：@chertravel、@mi512、@zaynbbbb、@k111211312
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0