無綫製作部非戲劇分部經理衞世輝，今日（17日）因心臟病發在家中猝逝，終年62歲。無綫副總經理曾志偉與衞世輝相識數十載，衞世輝亦是他最疼錫的監製。曾志偉接受東網訪問時，直言心情非常難過：「我尋日5點幾仲同佢傾緊好多節目，包括大除夕倒數Show，同埋出年無綫55周年嘅一啲大型節目，尋晚佢太太同我講，佢（衞世輝）瞓覺時心口痛，即刻Call白車入院，但去到已經過咗身，嗰陣係清晨時間。」志偉跟衞世輝除了是工作上的好夥伴外，私底下亦極之老友，會互相關心對方的健康，不時提點小心飲食。
據知，衞世輝太太及胞弟均在無綫工作，由於在無綫工作40年的衞世輝，一直以來對無綫貢獻重大，無綫將會負責衞世輝身後事的所有費用。
另外，他今日（17日）出席《中藝香港小姐頌獎典禮暨中華文化推廣大使委任儀式》，對於衞世輝離世，他受訪時難掩傷感，透露今早起床時接獲電話通知，指對方凌晨時分於家中身體不適，並由救護車送院離世，雖未有趕到醫院，但已即時安排同事協助其太太為後事做準備。
談到他一直看重衞世輝，志偉不諱言對方乃綜藝科最重要人物，亦是一位好好先生，幕後團隊龐大，所有製作預算及分工均由他處理，如早前《明星運動會》、奧運節目以及稍後的節目巡禮：「最重要係佢對公司好有感情，由小場務升任到6樓綜藝科主管，對公司上下人都好好，所以佢離開大家都唔捨得，其實尋日同佢為55周年台慶開會到晏晝5點。（當時衞世輝身體有冇異樣？）佢心臟不嬲有小問題，所以都特別注重，佢都有提醒我，仲送咗部手指測量器畀我。」更指平日二人齊齊於公司食飯盒，衞世輝太太及弟弟也於無綫工作，故他也視無綫如同屋企般。
問到無綫可會協助其身後事？志偉表示：「絕對會，主席都好欣賞佢，所有後事都不用擔心，佢太太情緒都係剛剛平復，同事陪咗佢返屋企休息。」與衞世輝相識30多年的志偉，指以往於無綫的節目也是由對方監製，與錢國偉三人更是合作無間：「今次我返無綫佢最幫得我，令我最唔使不用擔心。」問到可有忍不住流淚？志偉亦眼濕濕承認：「一定有，我都同啲下屬開會，但根本傾唔到，係咁喊，佢前一日話想約啲下屬食晏，話自己都夠咗退休年齡，但公司好似我個家咁，需要我，當時佢仲講緊呢啲感動說話。」
東網網站 : https://on.cc/東網Facebook專頁 : https://www.facebook.com/onccnews/