唔少女星都曾被質疑整容，其中無綫小花鄺潔楹（Judy）就曾被翻出多年前拍廣告時嘅照片，被指與現時嘅仙氣靚樣截然不同，直指「面目全非」！不過Judy未有介懷，反而大方拍片公開黑歷史照片，直認的確有「整容」般嘅分別。片中佢晒出17歲喺美國讀緊高中嘅相，見當時嘅佢面脹脹、豬膽鼻，而且身形大咗成個碼，第1眼真係認唔出係Judy，不過佢就解釋因為有箍牙修飾面形，加上當時比依家重足足30磅，所以先有咁大分別：「當你瘦30磅嘅時候真係可以達到整容級嘅效果！」
之後，佢再晒出多張讀書時期嘅照片，見佢為迎合外國朋友而特意曬黑，加上打扮、妝容成熟，反而較現時更顯老氣。佢又分享獨門「整容」秘技，指全靠一招變靚：「我個鼻其實我係Keep住不停咁捏，當你由10幾歲開始日日捏自己個鼻，去到20幾歲真係會見到個變化。」
東網網站 : https://on.cc/東網Facebook專頁 : https://www.facebook.com/onccnews/
