張國鈞(Horace)「轉跑道」，由議員轉而加入「熱廚房」出任律政司副司長，唔經唔覺已經4個月有多，表現係點就仲未睇到，但今日(3日)竟然爆出畀同事請食檸檬，佢仲要笑住啃喎。
梗係笑喇！事關檸檬超大個，仲要打孖上喎，難怪Horace要放上社交平台晒下喇！Horace話今朝行入會議室準備開會，一推開門就有陣清新嘅果香撲鼻而至，班同事即刻醒腦提神。搞乜？原來是同事Sophia帶咗自家種植嘅「巨型」檸檬。呢位同事同大家分享收成之外，仲好細心咁叮囑大家要多飲檸檬水，保持身體健康。Horace都話「嘩，成隻手掌咁大嘅檸檬大家見過未呢？有冇人知係乜嘢品種？真係切片都放唔入隻杯啊！」
呢張巨型檸檬相出街之後，班網友都嘖嘖稱奇，有網民仲諗起食療法，叫Horace唔好掉咗啲檸檬皮，話拎去白燉蜜糖，有化痰止咳潤肺之效。另有網民就覺得檸檬太凹凸，留言笑稱：「個表皮…，好似核輻射完咁！」
東網網站 : https://on.cc/東網Facebook專頁 : https://www.facebook.com/onccnews/
留言 0