譚仔三哥東京開幕驚現「凍鏈茶少田」　節目介紹「港式拉麵」：食到成龍的味道

香港食肆「譚仔三哥米線」進軍日本，首間分店上月31日在東京開幕，在兩地成為話題，不少日本網民大呻排足兩個鐘先食到，更稱其為「港式拉麵」，認真威水。日本節目《國王的早午餐》（王様のブランチ）今日最新一集，都特別在新食店環節介紹譚仔。

譚仔三哥米線將在日本一連開設三間分店，節目稱米線是排在蕎麥麵、烏冬、拉麵之後的「第四麵」，片段特別介紹了平時甚少再睇的菜單，可以見到配料和港版相似，仲有大家最熟悉的辣度表，又有齊三哥酸辣、番茄湯、麻辣、煳辣、酸辣及清湯6種招牌湯底，一班嘉賓大讚湯底的麻辣感，而米線的口感則非常特別，界乎意粉和拉麵之間，當中搞笑藝人尾形貴弘表示譚仔米線湯底亞洲味十足，好像食到成龍的味道。