Staycation大家就成日去，如果有養寵物又唔捨得留佢哋一個喺屋企，要揾到一間可以容納寵物入住嘅酒店都唔係好容易！位於鴨脷洲嘅城木酒店就可以解決各位主人嘅煩惱，因為呢間酒店連寵物都可以Staycation，咁各位主人就可以放心帶埋愛犬去渡假啦！
圖片來源︰KLOOK、城木酒店、IG@puffy_the_puck_murphyslaw｜撰文︰Sharon
城木酒店上年8月正式營業，酒店裝潢設計以木系為主題，主打簡約﹑自然嘅風格，希望帶畀大家舒適嘅感覺，如果想離遠市區，唔想每次都喺港九Staycation，呢間酒店就值得一去！
寵物都可以享受Staycation，城木酒店推出「與寵同樂」住宿優惠，貼心為主人提供寵物床同寵物餐盤，仲可以免費獲贈一份寵物禮品包，帶埋寵物一齊放假休息都係一個唔錯嘅選擇，啱晒各位主人啦！二人入住豪華客房，並帶同一隻寵物只需要$1,380，提供免費雙人早餐、寵物床及寵物餐盤同一份免費寵物禮物包一份，但唔可以攜帶超過 12公斤嘅寵物。
如果唔會帶寵物嚟Staycation就可以選擇入住標準套房，二人入住只需$880，人均只需$440！包雙人早餐、迎賓飲品兩杯同「浪遊漁港1773」成人門票兩張，1小時香港仔漁港語音導覽及參觀住家艇，認真抵玩！
酒店內亦有提供免費飲品小食嘅公共空間同空中露台，最特別一定係酒店木製嘅旋轉樓梯，一定要去打卡！
【INFO】
電話︰3728 7388 (查詢) 3553 8516 (訂房)
地址：香港鴨脷洲新市街29號
留言 0