黃智雯澳洲跳舞夠放　即興周街邀請陌生人拍片

藝人黃智雯早前到澳洲出席中秋嘉年華慶祝活動，並抽空與當地粉絲見面，逗留了一星期的她，還抽空上Jazz Funk舞課堂，她接受東網訪問時表示：「對上一次去悉尼已經係7年前，我每次去澳洲公幹，都會去呢個Studio上堂，因為呢個地方喺碼頭旁邊，周邊環境好靚，所以我第一次去就愛上咗，之後每次都會去朝聖。」

智雯坦言享受於外國上堂，相反於香港跳舞會較為怕醜，更說：「喺外國會放啲，當地人都享受跳舞。」除了上跳舞課增值自己，智雯見當地氣溫高達30度，每日陽光普照天氣超好，便忽發奇想完成一直想做的挑戰：「我即興喺Sydney Opera House、Darling Harbour、The Rocks Market等名勝點，邀請陌生人一齊跳舞一隻簡單舞，佢哋來自唔同國家，有幾個女仔只得十幾歲，好細個，都願意同我喺度一齊玩，所以好開心。」而完成澳洲工作後，智雯趕及打風前返港，透露小休幾日後便要再次收拾行裝，出發到尼泊爾進行慈善探訪，了解當地女童生活。

東網網站 : https://on.cc/東網Facebook專頁 : https://www.facebook.com/onccnews/