歌手王灝兒(JW)、吳業坤、胡鴻鈞、周吉佩在尖沙咀出席《善心滿載仁愛堂》記者會。吳業坤最近在網上發起投票網「半紅不黑係好定唔好」,結果有不少網民選㨂「收皮啦」的選項,他指這投票是希望測試社交平台的網民有多mean,他笑說:「原來真係好mean,做呢行好多人都努力緊,就算唔紅只要做喜歡嘅嘢,維持到生活就滿足。」
吳業坤的星途有起有落,問到是否借故發牢騷自嘲半紅不黑?他則說:「我都唔紅,但係我覺得好難去計較,只要能夠上台唱歌,仲有自己嘅騷已經好好。」他直言出道後遇過太多mean事,自己則「以身作則」,鼓勵後輩不妨親身試伏,加速成長。將與胡鴻鈞開騷的他指沒有被mean爆網民打擊到,希望可以吸引網民買飛支持,以及激勵正在努力的藝人。JW指他這樣網上測試相當大膽,自己也曾經歷過,發現網民真的很mean:「你明知啲網民mean就唔好測試啦,你自己攞嚟,你都踩咗咁多年氹,仲玩﹖。」她又戥好友受抨擊感心痛,認為不應該這樣對待自己。
戴著帽子亮相的他指會以特別造型在慈善騷亮相,透露最近做了頭髮護理療程,頭髮濃密了不少,在旁的JW即追問他是否植髮或織髪﹖他指沒有,又多得她近年在節目中取笑他頭髮少,激勵了他養生想法,又指現在年紀大,感覺身體機能變差,又趁機向開設茶飲店的JW請求贊助飲品,她則一口答應。
東網網站 : https://on.cc/東網Facebook專頁 : https://www.facebook.com/onccnews/
留言 2
Vincent..
以前搵唔少啦,仲娶埋日本妹。
做人要知足常樂
16小時前
Chu Bee
做奀星二打六搵錢都多過平常人
16小時前
顯示全部