陳柏宇被認錯洪卓立求合照　成功引出立立回應：要留底

古有許志安被認錯杜德偉，今有陳柏宇被認錯洪卓立。事源陳柏宇日前如常直播帶女兒到茶餐廳食早餐，其間有途人上前要求合照，卻認錯他為「洪卓立」，全程在網上直播。

男途人上前禮貌要求合照，但卻問：「你係咪洪卓立？」，陳柏宇即時澄清：「我唔係洪卓立呀」，但男途人堅持問：「我唔可以同你影張相？」，陳柏宇再次表示：「但我唔係洪卓立喎！」男途人再問：「可唔可以呀？」。雖然被認錯，但陳柏宇仍大方表示：「可以~」。

對方知自己認錯，嘗試努力記起陳柏宇的名字，陳柏宇還為他打氣：「加油，你得㗎！」。男途人最終答對，大聲說出：「陳柏宇！」，陳柏宇即時為他歡呼：「Yeah！」

事後有網民剪出片段在Threads轉貼，而認錯人男子的太太亦出帖回應自首，解釋她的老公前一晚「去飲」未酒醒，加上太緊張才會認錯，求大家原諒：「想帶佢盲人輔導😌佢返黎我已經狠狠地訓話左佢。我話：我偶像你都敢叫錯你即刻同我7街訓！！」

而陳柏宇亦留表示：「佢好可愛啊！下次見啦」。而真．洪卓立亦轉發片段，更寫道：「我覺得要留底😂😂 @ckw720洪卓立，可唔可以同你影張相？yeahhh！」

有網民就讚陳柏宇好脾氣，被認錯仍肯合照，「陳伯真係超nice」、「勁好脾氣🤟比著我真係想鬧下佢」、「叫佢洪生佢又真係應人喎🤣🤣」