創下歐聯8大紀錄！用數字話你知利物浦輸得有幾慘烈

皇馬5-2大逆轉利物浦一役，狠狠地刺痛利迷嘅心，呢場波對紅軍嚟講，不得不謂輸得慘烈，呢一役更創下多個歐聯紀錄：

1. 皇馬成為歐洲賽事歷史上首支喺客場攻入利物浦4球嘅球隊。
2. 皇馬成為近57年來首支喺歐聯面對利物浦射入5球嘅球隊。
3. 利物浦係歐聯史上首支領先2：0下而最終輸3球嘅球隊。
4. 皇家馬德里係歐聯史上首支落後兩球下而最終贏3球嘅球隊。
5. 皇馬成為有記錄以來首支係歐聯射門少於10次而攻入5球嘅球隊。
6. 梅開二度嘅賓施馬，以35歲零46天成為歐聯淘汰賽取得入球最年長嘅法國球員。
7. 賓施馬以6個入球，成為喺歐聯場上面對利物浦入球最多嘅球員。
8. 雲尼斯奧斯係自告魯夫以來，歐聯客場面對利物浦完成梅開二度嘅最年輕球員。

最後雖然呢個唔係咩紀錄，但利物浦近7次對皇家馬德里輸咗6場，睇嚟呢隊皇馬已經成為高普同利物浦心中永遠嘅刺。