近年高調買入多間豪宅的YouTuber「雪姨」早前拍片點評酒店Ritz-Carlton的$688一人份盆菜、帝京酒店$788二人份盆菜和深水埗基隆茶餐廳$128一人份盆菜。本來將兩間酒店跟普通茶餐廳的出品作比較已不合理，她更借踩基隆茶餐廳的盆菜髮菜少，再賣生髮產品廣告，不少網民都覺得此舉極不尊重。
雪姨之後將片段下架，並在YouTube社群致歉，但仍未能令平息網民的憤怒。基隆茶餐廳今日（1月23日）亦發文表示考慮告雪姨誹謗，期後雪姨在社交平台出po道歉。
基隆茶餐廳帖文內容：「大家好，我係小小編，本人實在睇唔過眼有大口KOL 詆毀本餐廳聲譽，雖然我哋唔係四五星級酒店，但係問心真係無你講到咁難食，藐嘴藐舌仲要帶住不肖樣詆毀我哋嘅一人盤菜，你要做生意唔係咁做既（嘅），我為咗我地（哋）舖頭上上下下所有員工每日辛勞工作付出而出聲，由（尤）其是依家生意難做，我會考慮告你誹謗架（㗎），做個KOL 噏得出就噏，真心唔明點解會有牌子搵你做廣告，咁樣嘅所謂廣告完全無質素！
另外，多謝大家支持，見到客人回圖話好食，好抵食，我地真係好感恩㗎！我地雖然只係一間茶餐廳，但係你憑乜睇唔起我哋呢，我老細都係白手興家服務社會，呢個世界係咪真係人善被人欺呢？
利申：#我有食過基隆茶餐廳盤菜架 （㗎）
#我要為廚房師傅平反
#我都係港女嚟架（㗎）
雪姨之後在社交平台發文，內容如下：「大家好，就星期四晚於YouTube發佈的影片，引起觀眾的關注及評論及造成對基隆茶餐廳的影響，本人及團隊深表歉意，並正式在此向大家及基隆茶餐廳誠懇致歉。當我們一收到觀眾的意見及評論時，我們已經即時果斷地將影片下架並作出內部檢討。今次的事件正正為我及團隊上了一課，在以後發佈影片前，我們將會更加嚴謹做好內容的把關，最後容許我再一次在此向大家及基隆茶餐廳誠懇致歉，希望以後大家能夠繼續鞭策我們，令我們可以謙卑地在YouTube的道路上學習及成長。」
