來自荃灣街市豬肉檔的劉宋威（威威、豬肉威）憑其口罩俊男形象而工作量與人氣大增，不過同時有關他的黑歷史亦愈爆愈多。威威昨晚（6月16日）拍片澄清，哽咽地問道：「點解喺屋邨長大就係黑社會？點解有紋身嘅人就唔係好人，就要俾人歧視？點解我自己嘅事業去賣豬肉，就會揸把刀去斬人哋？」。
由於威威的口罩形象太神祕，不少網民都落力翻出他的舊照和歷史，繼最初爆出多張「除罩」相，早前又爆出他疑似做傳銷呃人，又被爆他曾狂串MIRROR同COLLAR。日前再有網民公開一張10年前的威威舊照，相中的他半裸凸腩，大幅紋身清晰可見，該網民指他曾經撈偏和玩過好多女人。
威威昨晚在社交平台上載兩條影片，其中一條只有一半內容，但威威沒有刪除而是再貼另一條完整版。戴上口罩的他表示，近日收到好多不少報導和很多負面說話，「話我唔係好人，話我係黑社會。首先我要澄清番啦，我只係一個普通屋邨成長嘅人，都係基層出生，亦唔係大家所講嘅黑社會。點解喺屋邨長大就係黑社會？點解有紋身嘅人就唔係好人，就要俾人歧視？點解我自己嘅事業去賣豬肉，就會揸把刀去斬人哋？之前聽好多人講，人紅是非多，實會俾人攻擊，但自己明白呢個道理，自己感受到……係幾大壓力幾唔開心……」。
威威說到這裡開始哽咽，表示：「把口生喺人哋度，我控制唔好，只可以做好自己。希望大家唔好成日標籤有紋身嘅人，或者屋邨成長嘅人就係黑社會，就唔係好人。」
威威最後透露即將紋「威威豬」（其粉絲稱號）以記錄現在的自己。「我都搵咗一個紋身師傅，幫我設計一款紋身，係紀念番威威豬、紀念番我呢一刻自己嘅存在，遲吓畀大家睇吓我自己搵師傅設計嘅威威豬紋身。好多謝呢個零月一直支持我嘅朋友，都好愛護我關心我，衷心感謝大家。」
View this post on Instagram
