北角隱閉小巷打嚐日式洋食　USDA頂級牛扒啖啖肉超正｜北角｜Dear Grey

呢條隱閉小巷一向都多嘢食，不過冇黎過嘅朋友，第一次黎行錯都唔出奇，然後呢間仲要門口細細，行過真係會睇漏眼走寶。

呢間小店主打牛扒同日式洋食，Menu都係以牛扒牛肉為主，但最受歡迎係啲嫩牛扒丼，食肉獸一定鍾意，而且鋪頭帶點昏暗復古，真係溫暖小店嘅Feel。

-
🥩粉嫩平鐵牛排溫泉蛋丼飯 ($98)
超靚超嫩嘅牛扒丼，睇見都覺肉質軟嫩，撈埋溫泉蛋超正，用上USDA牛板腱，肉感同油香豐富，而且仲有其他牛肉部位揀。

🧀費城芝士牛排丼飯 ($78)
呢個真係邪惡，每一啖都係濃郁芝士，而且為咗拌勻掛汁，特意將牛扒切碎，其實都係USDA頂級牛扒黎，啖啖肉超正。

🍗法式油封鴨肶海葡萄丼飯 ($68)
估唔到連油封鴨肶都有，價錢完全唔貴，大大隻鴨髀，內裡肉質超軟嫩，入口佈滿油香，仲特登配埋海葡萄解解膩。

🥢順帶一提本身仲會跟前菜同餐飲，呢個價錢真係性價比高，而如果怕膩/太飽，仲可以轉椰菜花飯，都係加12蚊。

-
🥓芝麻雞翼(4件) ($68)
🥓炸唐揚池魚 ($48)
呢到仲有唔少香口小食，仲有啲Cocktail、生啤、手工啤咁，食下再飲兩杯都幾正，而且仲有啲Outdoor位，係呢條巷仔都真係Chill。

-
Dear Grey @deargreyhk
🗺️北角錦屏街26號東發大廈B座地下35A號舖
📞6616 6575

生活