外賣小店竟然有窯雞食？仲有秘製招牌蔥香雞、口水雞飯｜觀塘｜豐味窯雞

雖然窯雞係粵菜名菜，但香港真係少見，因為做得好真係功夫多架餐多，正宗做法真係要整個泥坑咁去焗，就算要模仿都唔係咁易。

而係呢間外賣小店，竟然會有窯雞食，而且真係一開爆汁果種，就算原隻價錢都超抵，但最驚訝嘅係口水雞/蔥油雞飯半價，真係破極限末日價黎。

-
🥘殿堂級蔥香雞飯 (半價後 $39)
🌶️川式口水雞飯 (半價後$39)
1️⃣兩款汁都係呢到秘製招牌，前者少有用上乾蔥，蔥油超香超惹味，後者口水雞就麻香濃郁，最緊要啲雞真係夠嫩夠滑。

2️⃣呢個價錢平時可能得幾件雞，但呢到填滿哂成盒，仲跟湯同前菜，真係抵到世界末日。

🍗豐味窯雞 (約7折後半隻$118 / 一隻$168)
睇片都見到一撕開爆哂汁，啲肉汁真係Juicy得誇張，睇下雞皮都見非常入味，肉質嫩滑又夠肥美，散發濃香雞油香，真係少有地高質。

-
豐味窯雞 @chickendinn_er
🗺️觀塘工業中心一期7樓G室B
📞5490 8131
❇️留意上邊半價優惠要自取先有，打電話/whatsapp訂都得，想方便啲嘅話外賣平台送都可以(但貴啲)~

生活