《年少日記》導演卓亦謙早前出席書展活動「卓亦謙的導演日記」，繼續分享關於《年少日記》的創作經歷。
主持梁淑雯首先表示認為鄭自雄（鄭中基飾）的角色比較功能性，再問卓導對於鄭自雄的戲份處理。卓導首先表示在刪除片段當中的確存在更多鄭自雄的描寫，但因節奏問題而刪走了。其後卓導表示自己在文本創作時，反問過自己︰「呢個係屬於邊個嘅戲先？呢個其實係屬於鄭Sir（盧鎮業飾）嘅戲。」所以得出整部電影都會以「兩兄弟」為核心，而其他角色都只會圍繞其兩兄弟。
「所以當要去到剪接問題，節奏問題，篇幅問題，你要搣嘅時候呢，你凸章嘅一定係呢兩兄弟以外嘅人嚟，你要開刀一定係要搵其他人去搣。」
禮堂演講成為正片唯一透視鄭自雄童年的經歷，卓亦謙亦表示要在電影進一步描寫更多是困難，因為在於人物動機上，鄭自雄並不會在兒子面前訴說自己的童年︰「因為鄭中基（鄭自雄）唔係一個好Open Up內心黑暗面嘅人嚟，係呀佢care佢好多表面上嘅光榮丶佢嘅權力丶佢嘅地位。佢細個發生嘅醜事佢覺得係要遮醜，絕對唔會提。」同時因為《年少日記》為童年視角的電影，所以就通常只會記起大人的表面的徵狀，例如暴燥丶傷心丶發脾氣，但不會知道背後的箇中原因。
卓導續指最近正洽談一些「前因後果」的故事，主持梁淑雯直接提問︰「啫係可能會有鄭中基嘅前傳咁？」卓亦謙回答︰「係，係呀係呀係呀，但係我又要小心處理，因為我哋唔係《九龍城寨》，《年少日記》出發點唔係一個商業片，佢真係似係我抒發感受嘅一篇日記。」
雖然未能確定會否真正成事，不過對前傳一事未敢抱太多期望。畢竟《年少日記》的簡潔敘事正是其電影最大優點，如果開拍鄭自雄傳又恐怕將電影再次重複，尤其對於觀眾已經得知《年少日記》的人設與結局時，又有沒有能力再度觸動觀眾？不過從講座當中得悉卓亦謙對《年少日記》的一切都確實非常熟悉，如果可以處理妥當的話，又確實可能再有一部佳作出現。
前傳言之過早，但港版實體碟至今仍未有任何消息，香港票房最終獲得超過2800萬，如果一隻藍光都未能成事，也太過可惜。希望 @mm2hongkong 記得出碟。
▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D
留言 0