林峯「雙喜臨門」老婆又有咗？張馨月行動打破謠言

藝人林峯同老婆張馨月結婚4年多，育有一女嘅佢哋，亦不時透過社交網分享生活點滴，恩愛模樣認真羨煞旁人。雖然林峯近期再登事業巔峰，忙於《九龍城寨之圍城》及《家族榮譽之繼承者》嘅宣傳，但老婆張馨月亦同樣忙於湊女，日前為囡囡學校活動奔波嘅佢，亦喺社交網晒出多張同囡囡整蛋糕及自拍等合照，而其中佢以「熱茶代酒」嘅乾杯相，就引嚟唔少網友揣測佢懷二胎，紛紛恭喜林峯「雙喜臨門」。

而似乎為咗打破懷孕謠言，時隔三日張馨月亦喺社交網晒出多張着Sports Bra騷川字肌嘅性感靚相，只見露出纖纖小蠻腰嘅佢，唔止身材弗到漏油，烏身時跌出嘅飽滿上圍，更係搶盡眼球。

東網網站 : https://on.cc/東網Facebook專頁 : https://www.facebook.com/onccnews/