台灣女歌手丁文琪（Kiki）氣質清新，2017年與林宥嘉結婚後，誕下1仔1女，一家生活美滿幸福。日前係佢同林宥嘉嘅結婚6周年紀念日，二人去咗餐廳慶祝，但Kiki因睡眠不足加上要趕去阿仔嘅學校活動，唔小心將酒當水飲，仲爭啲醉到暈。幸好餐廳員工發現後，貼心送上薑黃畀佢。之後Kiki自嘲話：「成為了印象最深刻的一道（笑）。」
不過佢喺文就爆出一句「6周年是鐵婚很堅固但可能會生銹」，引起網民注意，更猜測二人係咪感情生變。有人更留言問佢：「是否要發私人帳號但發錯地方？」但Kiki就正面回應話：「我沒發錯，今年目標就是社交網動起來！」亦有網友關心佢最後有冇成功去到阿仔嘅學校活動，Kiki就話：「遲到了一下，兒子臉很臭。」
東網網站 : https://on.cc/東網Facebook專頁 : https://www.facebook.com/onccnews/