已踏入45歲的陳曉東早前因一張自拍照被網友翻炒，掀起一輪對他變臉過度的討論，更慘被網民話佢：變咗薛芷倫！不過東東一於少理，近日獲邀參與內地男圑競演真人騷《追光吧！哥哥》，同其餘20個來自內地及台灣的哥哥級男星，包括明道、汪東城、胡夏等人，角逐節目中7個男圑席位。
文：東方新地 ｜ 圖：新傳媒圖庫、陳曉東微博
輸人唔輸陣豪花100萬置裝
45歲的陳曉東雖然多年來被指整容，但他都一一否認，只稱自已皮膚好天生麗質。東東今次獲邀參與內地男圑競演真人騷節目《追光吧！哥哥》，要同其餘20個來自內地及台灣的哥哥級男星，爭奪節目中僅得7個的男團席位，東東當然做足準備，輸人唔輸陣節目未開拍已豪花置裝費100萬元。東東日前一身全新秋冬裝現身北京機場，為拍攝真人騷節目《追光吧！哥哥》準備，即被內地網民大讚：「長腿歐巴」、「凍齡男神」、「歲月對陳曉東太溫柔了！」看來東東魅力不減當年！
「舊照」被翻炒 驚現動漫蛇精臉
早前陳曉東一張攝於2019年初的自拍照，被網民翻出廣傳，照片中陳曉東笑容詭異下巴突出，健吾將扭曲臉容馳名的動漫人物（《遊戲王》的城之內）對比照片中的陳曉東，竟然撞臉似到極：
網友回應：變咗薛芷倫！
其實2019年陳曉東回港於紅館開騷時，已有一班粉絲驚覺偶像塊臉「膠咗好多」，今次見到呢張近照，評論認為直頭升級「變咗做薛芷倫」！
陳曉東驚現防腐劑外貌 唔止一次嚇親網民
早兩年，方力申、陳曉東、莊思敏等人出席支持由沈慧林主講的「創業夢飛輪」講座，分享個心經歷和心得。當時已經42歲的陳曉東近年移居北京生活，現身即驚現「凍齡防腐劑外貌」，十年如一日的樣貌不禁令人佩服！ 當時已經42歲的陳曉東透露自己正準備2019於紅館開騷，表示自己應該可以開到兩場，積極健身同跳舞。
陳曉東操弗自己
陳曉東仲話自己完咗台灣騷會密鑼緊鼓，keep住日日健身，所以依家個人都瘦咗，皮下脂肪剩15，弗晒咁話。
42歲嘅陳曉東子咗身型keep到之外，亦睇得出佢臉部肌膚依然keep得好好，望落非常緊緻同有彈性！
陳曉東凍齡外貌
近睇之下，陳曉東無論身型定外個樣都的確十年如一日，精神飽滿外，外貌就似食咗防腐劑一樣！
不過就有網民話認錯咗佢係另一個靚仔阿Ken喎！唔知大家點睇呢？
睇番陳曉東17年前嘅相相比，其實佢個靚仔樣同而家其實都真係冇好大分別！
留言 0