自從反修訂《逃犯條例》運動在香港演得一日比一日激烈後，不少藝人都紛紛發聲，有人為了保住飯碗指責示威者，支持警察，亦有人站在示威者一方，不滿警方及政府連日來的表現。香港影帝黃秋生向來都是敢言份子，自示威運動開始後一直都支持示威者，不過今日黃秋生就突然在個人FACEBOOK打了一篇意味深長的文章，當中最後更用上簡體字，似是目標內地人，更決定關掉FACEBOOK，引起網民關注。
黃秋生在文章中表示：「各位，我癐（攰）啦。再見。喜歡我嘅朋友唔駛担心，我唔係去死，我會堅持信念，大家都係，大丈夫有所為有所不為。我只係癐啫。痛恨我嘅朋友，係，係朋友，我唔憎你哋，因為我都唔識你哋，你哋對我亦無任何影響，我只係因為私人原因，疲倦而已，你哋亦唔駛高興，因為你哋並無成功咗啲乜。喺呢度，大家平等，互不相識，缘生則聚，緣滅則散，你我只係宇宙間嘅粉塵。只願，中港两地嘅人，可以好似以前一樣，再次和諧相處，歡聚圍爐。最後，我從來都唔係港獨，亦唔喜歡暴力，同大多數人一樣。我只係一個有獨立思想，喜愛知識，而且憎惡邪惡嘅普通香港人。」
最後，黃秋生更特意用上簡體字寫上：「其實，内地都有好多聰明俊秀嘅人材。还有，蝗虫不是我说的，我寫的那句是文言，不懂别亂说，蝗虫是一个導演罵的，而且他现在还在大陸，看似挺受你們欢迎的在捞你們的金呢。 」及用繁體字留下一句「香港人，加油。」